كلام فتاوي ..وحكاوي علي القهاوي

من طرف **dr.Moody** الثلاثاء أبريل 07, 2009 6:18 pm

رحم الله انسانه بكل معانى الانسانيه والقيم الاخلاقيه والادبيه والثقافيه والاجتماعيه ...
ابدعت..حاورت..انجزت..قدمت..اخترقت قلوب الشعب وقلب المواطن الغلبان (محدود الدخل)
لمع اسمها..وطاب كلامها..رحلت بروحها فى دنيا الخلود..ورغم ذلك بقينا نذكرها ...
انها ماظللنا نناديها ولكنها لا تجيب لان من يرحل لايعود...
ولكن تبقى ذكراها فتغنيت باسمها ولحنت على العود...
(ساميه الاتربى )متى تعود...

فى الواقع مافيش امل انادى مهما انادى مش هاينفع ترد ...قلت بقى اشوف ذكرياتها واشوفها هى كمان فى برنامجها الشهير(حكاوي على القهاوي)...
فوجئت التلفزيون مش عاوز يفتكرها ويجيب لها حلقه ولا حاجه...طبعا ماهو التلفزيون المصرى ماشى بمبدأ(عمر دياب تملى معاك .وعادل امام مع يسرا هناك.وهيفا بتبوس الواوا.وتلفزيون صايع بياخذ قتاوه.على اعلانات كلها شقاوه)... طبعا لازم يعملوا كده..الهى فى الشعب واضرب بالكعب

انا قلت الكلام كده مش نافع انا لازم اعمل حاجه ...قعدت افكر .اعمل ايه.اعمل ايه.اه جات لى فكره.انا هارجع البرنامج بنفس الاسم وهاقدمه انا...
بدات اجهز للبرنامج والكاميرات والادوات بقى ...انا عارف واحد صاحبى عنده استديوا تصوير جيبته وقولتله اخدم اخوك اسامه النازى .قالى عيني ليك.وكنت عامل جمعيه قبضتها وروحت اشتريت مايك وشويه لبس جديد.وظبطت الكلام...وقلت اختار بقى القهوه اللى هانعمل فيها الحوار...بينى وبينكم انا قلت سيبها على الله دى مصر كلها قهاوى .الواحد يدخل اى قهوه...
اتوكلنا على الله انا والمصور والمعدين وباقى الطقم ...ودخلنا قهوه واسمعوا بقى احلى حوار واحلى كلام...

دخلت القهوه لقيت الناس كلها بتبص فى مكان واحد على التلفزيون قولت يسلام ايه اللى لافت انتباهم اوى كده.قلت ابص بصيت لقيتهم بيبصوا على المصارعه ...والناس بقى منفعله واللى بيكسر فى التربيزه اللى قدامه.واللى عاوز يضرب اللى جانبه.واللى بيعض فى صوابعه .واللى بينادى على المصارع ويقوله قوم اضربه يا كذا ماتقولوش يعنى اخوه اللى بيلعب فى التلفزيون...واللى مش عاجباه المصارعه ومالهوش فيها قاعد بيعدل دماغه بكام سيجارة بانجوا او كام حجر حشيش ...واللى بيلعب طاوله ...كله فى ملكوت لوحده...
انا قلت فى نفسى القهوه دى شكلها عبيطه ولا ايه...قلت للجماعه اللى معايا يلا بينا نشوفوا قهوه تانيه...وانا لسه ماشى لمحت بعينى واحد قاعد فى اخر القهوه مع نفسه وقدامه فنجان شاى وشيشه وقاعد بيحط على الشيشه حاجات غريبه لونها بنى ويسحب نفس من الشيشه ويهرش بايديه فى دماغه ويبص للواد اللى بيرصله حجر الشيشه عرفت بعد كده انه الواد سيد شغال فى القهوه ويقول له الله هى دى السلطنه وبيدعى لواحد اكتشفت بعد كده انه بيدعى لتاجر الحشيش اللى جايب منه ويقول للواد سيد(دبوس الحشيش ده من عند المعلم دعبوس عجب ربنا يكرمه ويبعد عنه الحكومه وولاد الحرام) ...روحت رايح وقلت للمصورين اللى معايا تعالوا الظاهر فرجت لقينا عاقل لا وكمان ايه رايق ودماغه عاليه...

روحت وبقوله السلام عليكم ياحاج...لقيته بيبصلى وماردش على ...ولقيته من غير مقدمات بيقولى انا ربنا تاب على وماشى سليم دلوقتى...قولت له انت بتقول ايه ياعم الحاج هو انت مفكرنا ايه...لقيته بيقول لى مش انتم بتوع برنامج خلف الاسوار ...ضحكت وقولت له لا ياحاج ماتخافش .احنا منكم وزيكم .احنا برنامج (حكاوي على القهاوي).قالى اه طيب فين مدام ساميه الاتربى.قولت له ياحاج تعيش انت .انا بكمل البرنامج بدل منها.قالى طيب .قولت له بقى ممكن تخلينا نسجل معاك .قالى يسلام اوى اوى .اتفضلوا اقعدوا...

جاب لي كرسى وقعدت والمصورين جاهزين وكله تمام ...ونادى على صبى القهوه وقاله(ياواد ياسيد انت ياواد.هات شاى وشيشه)وبعدين سالنى عاوزها بقى (عاديه ولا مغمسه)قولتلوا نعم انت بتقول ايه.قولتله ياحاج انا مابشربش شيشه اصلا. بصلى بصه حسسنى انى عيل علشان مابشربش شيشه مغمسه...قولت له خلينا فى الشغل...قالى ماشى يااستاذ...اتفضل...وبدا التسجيل ...انا المحاور(الاستاذ أسامه)ومع ضيف الحلقه(الحاج حلمى)

(الاستاذ اسامه)بعد السلام يحلى الكلام.سواء كلام محبه او خصام.دنيا فيها ناس بتصحى وناس بتنام.لكن على القهوه كله صاحى بانتظام .بيحكوا ويسهروا بانتقام .واذا سالت حد بتعمل كده ليه .يقولك ياسيدى دى شوية حكاوي على القهاوي....
(الاستاذ اسامه)نتعرف بحضرتك؟
(الحاج حلمى)اسمى حلمى
(الاستاذ اسامه)بتشتغل ايه ياعم ياحاج حلمى؟
(الحاج حلمى)بشتغل عربجى ولنوضح لساده المشاهدين عربجى يعنى(بينقل اغراض على عربيه باربع عجلات كوتش يجرها حمار )
(الاستاذ اسامه)انت اتعلمت ياحاج حلمى؟
(الحاج حلمى)اه طبعا معايا شهاده عليا انا اخدت الابتدائيه
(الاستاذ اسامه)وماكملتش تعليم ليه؟
(الحاج حلمى)انا كان لى 6 اخوات ابويا ماكنش عارف ياكلنا يبقى ازاى هايعلمنا .احمد ربنا ياستاذ انى اخدت الابتدائيه.وبعدين ابويا كان موظف غلبان فى مستشفى وانتى يااستاذ عارف المرتبات زى الزفت ماتنفعش تاكل عيش حاف حتى لو عايش لوحده...
(الاستاذ اسامه)انت بتشتغل الشغله دى من امتى؟
(الحاج حلمى)من يوم ماطلعت على الدنيا وبقى عندى 10 سنين وفى نفس السن اللى اى طفل بيحلم انه يلعب ويتعلم ويعيش عيشه حلوه نظيفه.تقدر تقول كده ياستاذ بشتغل وانا فى رابعه ابتدائى..
(الاستاذ اسامه)انت متزوج وعندك اولاد ياعم حلمى صح؟
(الحاج حلمى)اه متزوج حته مره ربنا يخليها يارب اسمها جملات وعندى فاضلة خيرك يااستاذ خمس عيال اسمهم حسن التوربينى وهشام سنجه وعبده خنزيره وسيد شفلحه وحماده شنكح...
(الاستاذ اسامه)ماشاء الله ربنا يخليهوملك ياحاج حلمى.
(الاستاذ اسامه)وبيتعلموا ولا بيشتغلوا؟
(الحاج حلمى)بتقول ايه يااستاذ احلى نكته سمعتها ضحكتى بيتعلموا ايه ياعم اللى اتعلموا عملوا ايه ولا اشتغلوا .تعرف ياستاذ انا معايا شيال حاصل على شهاده جامعيه على ماظن كده واخد كليه هندسه.ياباشا خلينا فى الشغل العيل يطلع يشتغل احسن له .الحكومه اعترفت بنفسها وعملت اعلانا ان الحكومه ماعندهاش وظايف كله يروح يشتغل فى القطاع للخاص...ربنا يستر ياباشا...
(الاستاذ اسامه)ياحاج حلمى ايه رايك فى البلد؟
(الحاج حلمى)الحاج حلمى سكت وخد نفس شيشه جامد وهو بينفخ الدخان فى وشى بصلى من فوق لتحت !!!ومره واحده لقيته بيقول لى (قرعه).
(الاستاذ اسامه)هى مين اللى قرعه؟
(الحاج حلمى)البلد يااستاذ هى اللى قرعه.
(الاستاذ اسامه)يعنى ايه ياحاج حلمى قرعه ؟
(الحاج حلمى)يعنى الناس اللى ماسكين البلد بينظفوها من كل حاجه حتى جيوبنا بيخلوها قرعه.
(الاستاذ اسامه)هما مين الناس دول ياعم حلمى اللى ماسكينها ممكن تقولنا عليهم؟
(الحاج حلمى)يسلام كل الناس عارفه ولاانت عاوزني يااستاذ اقول اسماؤهم واروح فى داهيه.يااستاذ انا عندى عيال وعاوز اربيهم .
(الاستاذ اسامه)يعنى انا اللى عاوز اروح فى داهيه والبرنامج يتشرد ويتقفل!!!
(الحاج حلمى)تعرف يااستاذ انت طيرت منى الحجرين اللى انا كنت ضاربهم .دماغى فصلت اول ماجيبت لى سيرة البلد.احنا مالنا ومال البلد خلينا عايشيين يااستاذ.مافيش احسن من انك تنسى وتطرمخ فيها وخلى دماغك فوق السحاب .وبعد كده تروح البيت تلاقى المره عامله اكل وترقص شويه وبعد كده يحلى الكلام والملاغيه...
(الاستاذ اسامه)يعنى ايه ياحاج حلمى الملاغيه؟
(الحاج حلمى)بصلى بس وماردش. وقالى يااستاذ انت مالك.دى حاجه خاصه بينى وبين مراتى...
(الاستاذ اسامه)اه فهمت معلش ياحاج حلمى...
(الحاج حلمى)تعرف يااستاذ انا شغال عربجى ومتعلم نص علام.بس فنان وبكتب اشعار وروايات وقصص للعربجيه اصدقائى...
(الاستاذ اسامه)يسلام بجد ياحاج حلمى!!!طيب سمعنا حاجه كده علشان نختم اللقاء بيها؟
(الحاج حلمى)بص بقى يااستاذ انا هاقولك قصيده عن البلد بقى ...وربنا يسامحنى...مع انى كنت حالف بالله انى ماجيبش سيرتها ولا اكلمها...بس يلا علشان خاطرك يااستاذ اسامه والناس اللى معاك وانتم ضيوف عندنا برده...اسمعوا ياجماعه...
&اكمنك قرعه&
اكمنك قرعه انا حبيتك والحب عذاب يخرب بيتك
انا بعت هدومى علشان خاطرك وسرقت من الناس واديتك
ياأم النيل الفراوله والحكومه البرقوق
ده انا من طلعتك بصبح خضار مسلوق
وعجبى!!!

(الاستاذ اسامه)الله عليك ياحاج حلمى.تسلم وتسلم القرعه لينا...ان كنت غاوي او كنت ناوي.تعالى واقعد على القهاوي.وهات شيشه لعمى حلمى ولفة بانجوا للمستكاوي.وعمى مرسى هات له كرسي واول مايجي يقعد أوام أوام شدوا الكراسي.شربنا حشيش وكمان مرطب .خلاص ياخوي خلاص نشطب.وابقوا انتظرونا فى(حكاوي على القهاوي)

[/size]

الحاج حلمى(1)

الحاج حلمى(2)

الشعب كله على القهوه

أسمع الحدودته دي

نكته بس بها موعظه والله

وخدوا الحكمه من أفواه المجانين

هههههههههههههههههههه

أسمع ياسيدي

نكته جديده .....

أسمع سمعك الرعد في ودانك

كان ياماكان ...كان في زمان ....
مكالمة بين واحد صعيدى و واحد قاهرى

مع الاعتذار لأي واحد صعيدي " أجدع ناس والله " الكلام ده هزاااااااااااااااار

واللي يحبنا مايضربش نار

واحد من القاهرة ليه واحد صاحبه من الصعيد أبوه مات

بتاع القاهرة كلم بتاع الصعيد في التليفون عشان يعزيه

ومن المكالمة فهم حاجة ماحدش يعرفها

إزاى الصعيدي بيموت

وإليكم المكالمة بالنص

القاهري : معلش أنا عارف إن والدك كان مريض بالقلب ..... الله يرحمه

الصعيدي : بس هو كان بيقاوح وماماتش من القلب

القاهري : أمال مات إزاى ؟

الصعيدي : الله يرحمه بقى على أواخر أيامه نظره ضعف وف مرة طلع البلكونة وسورها كان واطي وإحنا في الدور الرابع زى مانت عارف

القاهري : لا إله إلا الله ....... فعلاً موتة صعبة ..... معلش شد حيلك

الصعيدي : والله إتعذبنا معاه كتير وعملنا له 12عملية لغاية ما إتحسن وبقى كويس

القاهري : طب الحمد لله ...... هو مات إزاى ؟

الصعيدي : بقى يمشى علي عكاز ومرة وهو بيعدى الشارع عربية خبطته

القاهري : فعلاً موقف صعب ...... لكن ربنا عايز كده ... العربية فرمته ؟

الصعيدي : ربك كان رحيم وكان فيه جار لينا شافه بالصدفة وخده علي أقرب مستشفى لكن النزيف الداخلي كان صعب

القاهري : طبعاً ....... دا الواحد لو خبطته عجلة كان يروح فيها ..... علي كل حال الله يرحمه

الصعيدي : لكن إحنا عملنا عملية نقل دم وسفرناه باريس وربنا ستر والحمد لله

القاهري : يعنى فضل عايش بعد كل ده ؟ أمال مات إزاى ؟

الصعيدي : للأسف جاله فشل كلوي ومالقيناش أي متبرع لغاية مجاله تسمم في الدم

القاهري : معلش عموماً هو ارتاح من العذاب ده

الصعيدي : بالصدفة ظهر له شخص كان صاحبه من زمان وأتبرع له بكليته علي آخر نفس

القاهري : ياسلام

الصعيدي : لكن بعد كده بقى بيسرح كتير ...... مرة قاعد في الشقة وإتسرب الغاز وهو مش واخد باله فاتحرقت الشقة باللي فيها

القاهري : ياساتر علي الموتة البشعة ..... فعلاً شئ صعب ..... ألف رحمة ونور عليه

الصعيدي : لكن تقول بقى إٌيه علي جارنا الشهم الجدع اللي كسر الباب علي آخر لحظة

القاهري : ياعم أبوس إيدك فهمني أبوك مات إزاى ؟؟؟؟

الصعيدي : والله يأخي اخر ما زهقنا اضطرينا " نطخه " هو وجارنا الشهم عشان نخلص

وبس كدا ههههههههههههههههههه

الأحد	الإثنين	الثلاثاء	الأربعاء	الخميس	الجمعة	السبت
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31